Haur eta Nerabe Psikologia
ADIKZIO EDO MENDEKOTASUN ARAZOAK
Alkohola, tabakoa, porruak, kokaina, pilulak, makinak, txata, mugikorrak, sare sozialak, online jokoak, Internet... Gero eta gehiago ikusten ditugu adikzioak gaur egungo nerabeengan. Dibertitzeko garaian ia ezinbestekoak zaizkie. Orain arazoa areagotu egin da adikzioa hasteko adina aurreratu egin baita. Horrela, asteburuan ez ezik, astean zehar ere aritzen dira jarduera horietan; adibidez, haxixaren edo kalamuaren kontsumoari dagokienez. Aitzakia: “lo egiteko, erlaxatzeko, on egiten didalako…”. Horiek dira porruak erretzen dituztenek gehien erabiltzen dituzten esaldietako batzuk.
Normalean, familian komunikazio maila txikia izatea, norberaren frustrazioak, gabezia afektiboak, sentsazioak bilatzea, ezetz esaten ez jakitea eta epe laburrean efektu jakin bat lortu nahi izatea dira adikzioan erortzeko eta hari eusteko arrazoietako batzuk.
Ez ditzagun ahaztu teknologia berriekin loturiko adikzio berriak; esaterako, bideojokoekin, Internetekin eta txat eta mugikorrekin loturikoak, gero eta zabalduago baitaude gazteen eta ez hain gazteen artean.
